കണിച്ചാർ: മ്യൂസിഷ്യൻസ് വെൽഫെയർ അസോസിയേഷൻ (MWA) കണ്ണൂർ ജില്ലാകമ്മിറ്റിയുടെ ആഭിമുഖ്യത്തിൽ സംഘടിപ്പിക്കുന്ന മെമ്പർഷിപ്പ് ക്യാമ്പയിന്റെ മൂന്നാം ഘട്ടത്തിന് ഇന്ന് കണിച്ചാർ വ്യാപാരഭവനിൽ തുടക്കമായി. കണിച്ചാർ ഗ്രാമപഞ്ചായത്ത് പ്രസിഡന്റ്റ് ഡോ. ട്രീസ പോൾ ഉദ്ഘാടനം നിർവഹിച്ചു. സംഗീതജ്ഞരുടെയും കലാകാരൻമാരുടെയും ക്ഷേമത്തിനും സാമൂഹിക സുരക്ഷയ്ക്കുമായി 25 വർഷത്തിലേറെയായി പ്രവർത്തിച്ചുവരുന്ന എം.ഡബ്ല്യു.എയുടെ പ്രവർത്തനങ്ങളെ അവർ അഭിനന്ദിച്ചു. പരിപാടിയിൽ കേളകം സബ് ഇൻസ്പെക്ടർ ശ്രീ രഞ്ജിത്ത് മുഖ്യാതിഥിയായി പങ്കെടുത്ത് ആശംസകൾ നേർന്നു. എം.ഡബ്ല്യു.എ കണ്ണൂർ ജില്ലാ പ്രസിഡൻ്റ് രാജേഷ് നമ്പ്യാർ അധ്യക്ഷത വഹിച്ചു. ജില്ലാ ജോ : സെക്രട്ടറി ബാബു ശിവപാൽ സ്വാഗതം പറഞ്ഞു. സംസ്ഥാന കമ്മിറ്റി അംഗം മനോജ് സി.ആർ, ജില്ലാ വൈസ് പ്രസിഡൻ്റ് നിത്യപ്രകാശ് എന്നിവർ ആശംസകൾ അറിയിച്ചു. ജില്ലാ ട്രഷറർ മനോജ് എം. പീറ്റർ നന്ദി രേഖപ്പെടുത്തി. ജില്ലയുടെ വിവിധ ഭാഗങ്ങളിൽ നിന്നുള്ള സംഗീതജ്ഞരും കലാകാരൻമാരും ചടങ്ങിൽ പങ്കെടുത്തു. അംഗത്വ ക്യാമ്പയിലൂടെ കൂടുതൽ സംഗീതജ്ഞരെയും സംഘടനയുടെ ഭാഗമാക്കുമെന്ന് ഭാരവാഹികൾ അറിയിച്ചു.
The Musicians Welfare Association conducted the Kannur District Membership Campaign in Kanichar.
